FRO.LU is under Development
+1 Stëmm
774 Aufrufe
Zanter enger Rei Joeren recommandéiert d'Santé d'Grippe-Impfung fir eng Partie Beruffsgruppen net just aus reng gesondheetleche Grënn, mee och aus sozioökonomesche Grënn:

"Les enseignants, les chauffeurs de bus, les médecins, les soignants." [1]

Et geet hei also primär drëm personell Enkpäss ze reduzéieren, Unterrichtsausfall ze limitéieren, etc.

An deem Kontext stellen ech mer folgend Froen:

1) Wéi eng Démarchen ënnerhëlt d'Direction de la Santé fir dës Recommandatioun deene viséierte Beruffsgruppen bekannt ze maachen?

2) Wéi eng Ënnerstëtzung kréien d'Employeuren aus deene Secteuren fir hire Salariéen e méiglechst einfachen Accès zur Impfung ze erméiglechen?

3) Wéi geet de Staat selwer als Employeur vir, fir dës Recommandatioun ëmzesetzen, notamment am Enseignement? Kënnen d'Enseignanten sech z.B. op hirer Aarbecht impfe loossen falls si dëst wënschen? Falls jo: Wéi ass dëst organiséiert? Falls net: Firwat net?

4) Ass dës offiziell recommandéiert Impfung fir déi concernéiert Persoune gratis? Wéi en Undeel vun de Käschten gëtt vun der Gesondheetskeess iwwerholl?

[1] https://sante.public.lu/fr/espace-citoyen/dossiers-thematiques/g/grippe-saisonniere/vaccination-grippe.html
geschlossen
in Santé von
geschlossen von | 774 Aufrufe

1 Kommentar

Gudde Moien,

Gëschter koum d'Äntwert op är Froen déi dir wéi gewinnt hei noliese kënnt: https://piraten.lu/fro-lu-grippeimpfungen/

Mat frëndleche Gréiss

1 Answer

Best answer

Gudde Moien,


Mir entschëllegen eis fir den Delai. Mir hunn är Fro un d'Gesondheetsministesch weidergeleet. D'Fro:

Kënnen d'Enseignanten sech z.B. op hirer Aarbecht impfe loossen falls si dëst wënschen?

kënne mir iech beäntwerten, mir hu bei verschiddenen Enseignanten nogefrot a kengem wier esou ee Programm bekannt.


https://piraten.lu/fro-lu-grippeimpfungen/


Mfg

von
Wëllkomm op FRO.LU - Du kanns hei parlamentaresch Froen proposéieren. D'Deputéiert Sven CLEMENT, Marc GOERGEN a Ben POLIDORI deposéieren dës dann an der Chamber an d'Ministeren mussen dozou dann äntwerten.