FRO.LU – Parliamentary Oversight - Nei Froen an Justice

Parlamentaresch Ufro iwwert d’Intransparenz bei de Konditioune fir elektronesch Iwwerwaachung (Foussfessel)

Tue, 14 Apr 2026 12:05:38 +0000

Madame d’Ministesch,

Am Kader vun engem Artikel vum 13. Abrëll 2026 op RTL Lëtzebuerg iwwert d’elektronesch Iwwerwaachung als Alternativ zum Prisong goufen d’Konditiounen nëmme partiell duergestallt. Dës limitéiert Informatioun werft Froen op iwwert d’Transparenz an d’Applikatioun vun dëser Moossnam.

Et schéngt, datt eng Rei vu wichtege Critèrë weder kloer kommunizéiert nach systematesch opgelëscht ginn, wat zu Onkloerheeten an enger méiglecher Ongläichbehandlung vun de Betraffene féiere kann.

An deem Kontext géif ech der Madame d’Ministesch gär follgend Froe stellen:

Firwat ginn d’Konditioune fir d’Zouloossung zur elektronescher Iwwerwaachung net komplett, transparent an eenheetlech kommunizéiert?
Wat sinn all d’gesetzlech an administrativ Critèrë, déi eng Persoun erfëlle muss, fir en Utrag op eng Foussfessel ze stellen an accordéiert ze kréien?
Ass et korrekt, datt finanziell Obligatiounen (z. B. Protokoller oder Indemnitéiten un parties civiles) mussen ofgeschloss sinn, ier en Utrag iwwerhaapt berécksiichtegt gëtt? Wann jo, firwat gëtt dës Konditioun net kloer kommunizéiert?
Wéi gëtt garantéiert, datt d’Decisioune vum Parquet objektiv an op Basis vun aktuelle Faiten geholl ginn, a gëtt dobäi ausgeschloss, datt verjäert Elementer aus dem Casier judiciaire eng Roll spillen?
Ginn et spezifesch Adaptatioune fir vulnerabel Persounen, besonnesch fir komplett Fleegefäll, déi e feste Wunnsëtz a familiär Ënnerstëtzung hunn? Wann net, firwat net?
Wéi vill Demandë fir elektronesch Iwwerwaachung ginn all Joer gestallt, wéi vill dovu ginn refuséiert, a wat sinn déi heefegst Refusgrënn?
Kann d’Ministesch ausschléissen, datt och kleng administrativ oder formell Mängel dozou féieren, datt Demandë refuséiert ginn?

Dës Onkloerheeten stelle sech als problematesch duer am Hibléck op d’Rechtssécherheet an d’Gläichbehandlung vun de Betraffenen.

Madame d’Ministesch, ech bieden Iech, dës Froen ze beäntweren.

Parlamentaresch Ufro iwwert d’Betreiung vun engem komplett ofhängege Gefaangenen am CPL

Mon, 16 Mar 2026 12:53:49 +0000

Parlamentaresch Fro

Betreff: Betreiung vu komplette Fleegefäll am Centre pénitentiaire de Luxembourg (CPL)

No Informatioune vu vertrauenswürdege Quelle soll am Centre pénitentiaire de Luxembourg eng Persoun inhaftéiert sinn, déi e komplette Fleegefall duerstellt an déi op spezialiséiert, kontinuéierlech a professionell Betreiung ugewisen ass. Et gëtt drop higewisen, datt déi néideg medezinesch a therapeutesch Moossnamen am CPL net ugebuede ginn an datt d’Struktur personell an infrastrukturell net fir esou Fäll equipéiert wier. Zousätzlech soll en Utrag op elektronesch Iwwerwaachung trotz engem héije Fleegebedierfnis, trotz ëmfaassende medezineschen Ënnerlagen, déi den Zoustand kloer dokumentéieren, trotz Evaluatioune vu Dokteren ausserhalb vum CPL an trotz engem medezinesche Certificat „inapte à la détention“ refuséiert gi sinn.

An dësem Kontext bieden ech d’Regierung ëm Äntwert op déi folgend Froen:

1. Wéi gëtt am CPL mat komplette Fleegefäll ëmgaangen, a wéi eng gesetzlech Richtlinne gëllen an dësem Beräich?

2. Ass de CPL personell an infrastrukturell equipéiert, fir Persounen mat engem héije Fleegebedierfnis fachgerecht ze betreien? Falls net: wéi gëtt an esou Fäll virgaangen?

3. Firwat ginn déi medezinesch néideg spezialiséiert Therapien, déi vun externen Dokteren attestéiert goufen, am CPL net ugebueden?

4. Wéi gëtt d’Medikamentéierung vu vulnerabele Prisonéier iwwerwaacht, a wéi gëtt verhënnert, datt trotz bekanntene Allergien falsch Medikamenter verabreicht ginn?

5. Wéi gëtt d’Hygiène an d’Fleeg vu komplett ofhängege Prisonéier garantéiert, a wéi eng Kontrollmechanismen existéieren, fir Mëssstänn oder Vernoléissegung ze verhënneren?

6. Op wéi enger Basis gouf den Utrag op elektronesch Iwwerwaachung an dësem Fall refuséiert, a firwat goufen déi medezinesch Dossieren an de Certificat „inapte à la détention“ net berécksiichtegt?

7. Firwat ginn alternativ Moossnamen, wéi z. B. elektronesch Iwwerwaachung, trotz kritesche medezinesche Befonner net applizéiert, obwuel dës Moossnamen d’Gesondheetsrisike fir déi betraffe Persoun wesentlech kéinten reduzéieren?

8. Gesäit d’Regierung Handlungsbedarf, fir d’Infrastruktur oder de gesetzleche Kader unzepassen, fir schwéier Fleegefäll am Prisongswiesen adequat kënnen ze betreien?

Lëtzebuerger Frontalieren, PACS an plënneren an d'Ausland

Sun, 26 Jan 2025 09:46:34 +0000

Ëmmer méi jonk Lëtzebuerger ginn an d’Ausland wunne wëll se sech de Wunnraum hei am Land net méi leeschte kennen a komme weiderhin als Frontalier all Dag op Lëtzebuerg schaffen.

Bei dëser jonker Generatioun ass de PACS vill méi beléift wéi d’Bestueden. Déi betraff Koppele sinn dacks, ier se d’Land verloosse Richtung Grenzregioun, schonn zu Lëtzebuerg gepacst an hunn doduerch eng gewësse Rechtslag am Bezuch zu hire Steiere (z.B. d'Optioun zur Imposition collective) an hire patrimoniale Relatiounen (aide mutuelle, contribution aux charges du ménage, etc.)

D’Fro déi sech dobäi stellt ass op ee bestoenden PACS deen zu Lëtzebuerg gemaach ginn ass, nom Ëmzuch an d’Ausland weiderhi bestoe bleift.

Ee Wunnsëtz am Land ass laut dem Gesetz vum 9. Juli 2004 zwar keng explizit Conditioun fir de PACS kennen ze maachen, mee implizit vue que de PACS op der Gemeng déclareiert muss ginn an der d’Koppel de gemeinsame Wunnsëtz huet. Doduerch, an och wann de Verloscht vum Wunnsëtz zu Lëtzebuerg och net explizit als ee vun de Grënn fir d’Opléisung vum PACS virgesinn ass, stellt sech d’Fro op d’plënneren a d’Ausland de PACS opléist an doduerch d’erwähnten Rechtslag vun den betraffenen Lëtzebuerger op d'Kopp stëllt an se nach méi pénaliséiert.

Wat mécht d'Regierung fir de Lëtzebuerger Justizsystem ze moderniséieren?

Mon, 21 Oct 2024 12:31:46 +0000

Den EU Justice Scoreboared verglach all Joer déi verschidde Gerichtssystemer am Europa. Lëtzebuerg huet de um mannsten digitaliséierte Justizsystem an Europa (Fig 42 & 47). Et ass ee vun nëmmen 3 Länner wou Parteien net kennen hir Dossieren online verfollegen. An et ass den eenzege Land den seng Justizinformatiounen am Internet net an all Landessproochen zougänglech mécht. Och um e-Justice Portal ass Lëtzebuerg den eenzege Land wou näischt digital geet. Dowéinst meng froen:

- Wat ass de Plang fir d'Justizsystem ze moderniséieren a mei transparent ze maachen?

- Wat sinn déi gréisste Schwieregkeeten, déi d'Digitaliséierung vum Lëtzebuerger Justizsystem bis elo bremsen?

- Wéini wäerte Verhandlungspartien Dossieren um Internet kënne verfollegen?

- Gett et Pläng de Portal justice.public.lu op all Landessproochen accessibel ze maachen? Wan net, fir wat?

- Huet Lëtzebuerg Hëllef vum EU Justice 2021-2027 oder ë anere EU Programm fir'd Justizdigitaliséierung ugefrot?

- Gett et Statistiken iwwer de Delai vun Dossieren ewell Dokumenter nitt beim Gericht ukoum sinn? Ë ëffentlech Noverfollegungssystem géif esou eppes transparent maachen an de Prozess mei effizient.

SARL-S Gesellschaftsnimm sinn nit konform zum Gesetz

Tue, 11 Jun 2024 07:44:37 +0000

Bonjour

Ech hätt eng Fro un de Justizminister zu den "Sarl-S" Gesellschaften, also de sougenannten "1-Euro-Gesellschaften".

Dës existéiere säit 2017 a ginn duerch d'Artikele 720-1 bis 720-6 vum ofgeännerte Gesetz vum 10.08.1915 iwwert d'Handelsgesellschafte gereegelt. Hei steet am Artikel 720-5 dass des Gesellschaften an hirem Numm mussen de Begrëff « société à responsabilité limitée simplifiée » oder « SARL-S » beinhalte fir dass ee sie ka ganz liicht vun normalen oder richtegen SARL-Gesellschaften ënnerscheeden.

Wann een elo am RESA (Recueil électronique des sociétés et associations) kuckt, dann ass dat awer a ganz villen (ech géif mengen d'Hallschent) Fäll net sou. An dëst vun 2017 un. Bei ganz villen steet just e Numm ouni eppes hannendrun. Hei wéilt ech mol nofroen:

1. Gëtt et offiziell Zuelen a wéiwäit des Regel agehale gëtt?

2. Firwat gëtt dëst net kontrolléiert?

3. Vu dass dës Praxis Contraire zum Gesetz ass, sinn hei Sanctioune virgesinn? Wann jo, wéi eng?

4. Kéint beim Androe vun enger SARL-S an den Handelsregëster des "SARL-S" Endung net automatesch bäigesat ginn?

5. Ass et gewollt dass de potenzielle Client op des Manéier liicht ka getäuscht ginn well hien net direkt gesäit ob et sech em eng Firma „mat Substanz“ handelt oder net.

6. Well bei dëse Gesellschaften och d'Statuten net musse vun engem Juriste/Notaire opgesat ginn, gëtt am RESA kontrolléiert op dës Statute juristesch korrekt a kohärent sinn?

Merci

Mat medizineschem Cannabis an d´Vakanz?

Sat, 26 Aug 2023 20:50:45 +0000

Bonjour,

Cannabis Patienten déi an d´europäiescht Ausland wëlle reesen mussen déi hinne vum Dokter verschriwwe Quantitéit Cannabis bei sech féieren.

Wann een e Mount an d´Vakanz geet kommen do scho beträchtlech Grammen zesummen.

Wéi eng Dokumenter muss een den auslänneschen Behörden könne virléeën fir dass een net bestrroft gett a säi Cannabis net konfiszéiert kritt?

A wéi ass dat Ganzt aussereuropäiesch?

Merci.

Letzebuerg um Geriicht bei sexual an Gewalt Dooten, muss d’Opfer am Geriichtssall dobai sinn?

Wed, 22 Mar 2023 15:33:44 +0000

En Affekot soot enger Patientin dat et hechstwahrscheinlech wier dat si dem Täter geing vis a vis setzen mussen well se net mi mannerjähreg ass, waat natiirlech zu Panik an engem weideren Hindernis feiert.

Bei traumatiseierten Opfer kann d’gesinn vum Täter Dissoziatiounen ausleisen (Oofspaltung). Persounen kennen dann eventuell och net mi unspriechbar sinn eng Zait, eng Ausso ass ennert deenen Emstänn baal onmeiglech.

Wei geet ons Justiz mat Havana Syndrome em?

Tue, 16 Aug 2022 08:24:40 +0000

Ech proposéieren eng parlamentaresch Fro iwwert d'Prozeduren vun der Justice/Police un d'Justizministesch an/oder den Minister fir bannenzeg Sécherheet.

Den 18.03.2022 gouf Plainte gefouert wéinst Havana Syndrome géint onbekannt.
Onsen Informatiounen no ass den Parquet mëttlerweil fäerdeg mam Dossier dem den procureur d'Etat Larissa Lorang zougestallt gouf.

Stoungen Iech all forensesch technologesch Mëttelen zur Verfügung fir dësen Dossier ze verschaffen?
Misst dir extern Consultation opsichen fir dësen Dossier ze verschaffen?
Stinn onsem Land déi benéidegt forensesch medezinesch Ariichtungen an Mëttelen zur Verfügung fir sou een Fall ze verschaffen?
Gesitt dir et als néideg onsem Land hier technologesch & medezinesch Kompetenzen ze erweideren fir sou een Fall an Zukunft méi effektiv kennen ze verschaffen?

Legaliséierte Cannabis Ubau

Mon, 13 Jun 2022 08:09:39 +0000

Legliséierung Cannabis.

Den 10. Juni 2022 huet Regierung den Ubau vu 4 Cannabis Planzen pro Stoot doheem erlaabt.

Eng eenzeg Planz kann tëschent 500gr an 1000gr Ertrag bréngen, jee no Zort.

Bei 4 Planzen wieren dat dann 4 Kg.

Eng Planz, je no Zort, brauch 2-3 Méint fir könne geernt ze ginn.

Doduerch erginn sech e puer Froen:

Ass et erlaabt säi iwwerflëssege Cannabis mat aneren Konsumenten ze deelen?

Beispill: 5 gr Cannabis géint 10 Kilo Kiischten tauschen?

Ass et erlaabt säin iwwerflëssege Cannabis ganz legal a verschidden Internet Gruppen zum Tosch unzebidden?

Ass et erlaabt säin iwwerflëssege Cannabis ganz legal op Internetplattformen unzebidden, zum Beispill bei Amazon oder Ebay? Soufern et natierlech net duerch dem Bedreiwer vun der Plattform seng Richtlinnen verstéisst?

Ass et erlaabt säin eegenen Ertrag hei op der lëtzebuegescher Plattforn LETZSHOP unzebidden?

Wéi ass do d´Gesetzeslag?

Villmools merci.

MbG

Impact du et protection des citoyens contre le PISHING

Tue, 25 Jan 2022 11:01:24 +0000

Bonjour/ Gudde Moien alleguer,

An de leschte puer Wochen gouf an de Médie des öfteren virun Attaques vu PISHING gewarnt. En ganz Parti greisser letzebuerger Entreprisen woren/sinn dovunner concerneiert. Banken, Assurancen, Luxtrust(!!), Post, etc...

Fro: - weivill esou Attaquen goufen bei den dofir zoustännegen Autoriteiten gemellt?

- Weivill Plainten gouf et 2021 zu desem Sujet?

-Op weivill gett den entstaanenen Schued (fir 2021) beziffert? Wien kennt dovir op?

-Bei weivill Enqueten konnten Malfaiteuren identifizeiert ginn an der Justiz zougefouert ginn ?

- Wisou huet den eenzelne Bierger net d’Recht eng Plainte ze maachen, esou laang een net ze Schued komm ass, zum Beispill weinst “usurpation d’identité”.

- Waat gedengt Justiz ze ennerhuelen, fir esou (Tentative de) Fraude an de Greff ze kreien? Vu dass d’Auteuren meiglecherweis net hei am Land setzen, wei geseit do dei international/europäesch Kollaboratioun teschent den Autoriteiten aus?

Gett den Terrain “kampflos” den Malfaiteuren iwwerlooss?

- En Cascade: wisou kann dem Bierger en Supplement faktureiert ginn, wann en vun den Entreprisen verlaangt, Rechnungen NET mei iwwer Courriel ze kreien mee aus Secherheetsgrenn iwwer Pabeierrechnung iwwert den traditionnellen Post-Wee.

Ech hun neischt geint Digitalisatioun, mee als Bierger well ech net “gezwongen” ginn mech permanent der Arnaque vu Pishing auszesetzen.

Bescht Greiss

Jean Louis

Toxicomanie chez les mineurs

Tue, 08 Sep 2020 12:24:59 +0000

Puis-je entant que parent d'un mineur toxicomane porter plainte contre l'état où le gouvernement et demander des dommages et intérêts pour non respect du 1er article de la constitution qui dit que chaque citoyen doit renoncer a le violance en echange l'état doit protéger le citoyen de dangers comme par exemple l'exposition à la tentation de consommer des substances potentiellement avec effets secondaires mortels?? Comme certains médicaments où drogues dures dites illégales...??

Police Fichier central

Fri, 02 Aug 2019 15:18:18 +0000

Ech hunn haut eng Äntwert kritt vun der Police Grand- Ducale nodeems ech Accès vu mengen données personnelles gefrot hunn.

Et heescht:

Il résulte de nos recherches que la Police Grand-Ducale ne traite pas de données à caractère personnel vous concernant dans ses fichiers< Fichier central, Journal des incidents, Informations policières>

Ech sinn 2x verhaft ginn, 1984 a 1996, 1984 hunn ech 13 Méint Sursis kritt, war 2 Mol 1 Dag an Untersuchungshaft, si 1996 mat Mandat européen vun der Police gesicht ginn. 2009 ass eng Plainte géint mech gemaach ginn, 2010 hunn ech eng Plainte géint ee gemaach. An nach Villes méi.

Hunn och bei der Douane ugefrot an do steet Alles vu mär dran wat 1996 iwwert mech enquetéiert ginn ass.

Déi Informatioune vun der Police dass NÄISCHT iwwert mech ze fannen ass sinn net korrekt.

Ech ka mer dat just esou erklären dass an denen läschte 10 Joer näischt méi iwwert mech ze fannen ass awer virdrun mat Secherhet jo!

Si vläit do all an Teschenzäit archivéiert "Affairen"net berücksichtegt ginn?

D´Magistratur huet awer nach emmer Zougang zu dëssen "archivéierte Fichier´en" si sinn net geläscht an NET vergiess no bal 25 Joer.

All Richter an all Procureur kann se nach ëmmer gesinn, an dat no 25 Joer.

Wann dat keng Parlamentaresch For wäert ass da wenden ech un eng aner Oppistiounspartei.

Merci.

Fichier Police

Sat, 13 Jul 2019 18:18:39 +0000

Gudde Moien,

Eng fantastesch Idee hat Där do.

Mech ging interesséireren wivill Leit schonn eng Kopie vun hierem (geheimen) Police-Fichier gefrot hunn.

Ech hunn dat den 18. Juni 2019 gemaach an hunn och mëttlerweil als Äntwert eng Referenznummer zu menger Demande kritt vun eiser Police. Ech sinn also gudder Deng geschwenn Alles iwwert mech liesen ze können.

Fir weider Froen hestiéiert net mech ze kontaktéieren.

MbG

J. Storck

D'Aktivitéite vun der Médiatrice

Tue, 11 Jun 2019 05:43:08 +0000

An de leschte Joeren ass d'Zuel vun de Plainten, déi bei der Médiatrice agereecht gi sen; staark an d'Luut gaang. 2015 waren ët nach 749 Plainten. 2017 waren ët der 1149. An Tëschenzait kënt ët zu Retarden, well di Institutioun iwerfuerdert ass.

Wéi bewert d'Regierung dës Augmentatioun? (Ass ët en Zeechen, dat di Institutioun ëmmer méi bekannt gët oder e Malaise am Verhältnis tëscht der Populatioun an der Verwaltung)

Denkt d'Regierung driwer no, déi Institutioun ze stärken, doduerch dat nei MataarbeschterInnen agestallt gin?

Wann een d'Rapporten liest, fällt op, dat sech d'Plainten op eng Rei vu Verwaltungen konzentréiren. Wier ët an sou engem Fall nët ubruecht, dat di betreffend Verwaltungen zesummen mat der Médiatrice no Léisungen sichen fir di Problèmer ze verhënneren?

Wier ët nët un der Zait, de Mandat vun der Médiatrice unzepassen, an hier ënnert aanerem och d'Méiglechkeet ze gin, op eegen Initiative; d.h., ouni dat si sech muss op de Fall vun engem Betraffenen bezéien, ze enquêtéiren an och Verbesserungsvirschléi ze maachen?