FRO.LU - Check your governement. - Neue Fragen & Antworten in Santé

Covid Check Restaurant

Mon, 04 Oct 2021 08:45:49 +0000

Gudde Moien,

Mir hunn är Fro un den Mëttelstandsminister gestallt an dir kënnt se hei noliesen:

https://piraten.lu/fro-lu-covidcheck-websait/

D'Äntwert ass wéi gewinnt a ronn engem Mount z'erwaarden.

Mat frëndleche Gréiss,

Discrimination dans les maisons de soins

Sun, 26 Sep 2021 22:33:45 +0000

An engem berüümten Lëtzebuerger Altersheem (loossen mir den Numm emol am Moment ewech) musse déi ongeimpften Mataarbechter FFP2-Masken undoen, déi geimpften Mataarbechter brauchen nëmmen déi "normal" Mask unzedoen.

Esou erkennt en déi ongeimpften Personalmemberen direkt. Sinn esou Zoustänn nach normal an vertrietbar ? Wien decidéiert esou diskriminéierend Moossnamen ?

An dem selwechten Altersheim gëtt et geschwënn eng Feier fir d'Personal, déi mat Impfung däerfen kommen, déi ouni Impfung mussen ewech bleiwen.

Remboursement Covid Antikierper Test virun 3. Impfung

Fri, 27 Aug 2021 12:47:04 +0000

Den Antikierper Test den d´Regierung grad ubidd, wou eng Drëps Bludd am Fanger geholl gëtt weist just un ob een a Kontakt mam Virus war oder net.

Eng genau Unzuel vun Antikierper geet aus dësem Test NET erviir.

Well et awer fir déi héich vulnerabel Persounen déi an de Phasen 1+2 geeimpft si ginn wichteg wier fir ze wëssen ob hir Antikierper Zuel héich genuch ass fir nach protégéiert ze sinn stellen sech e puer Froen.

Vill héich vulnerabel Leit hunn an Zwëschenzäit schonn hier 3. Impfung kritt, kann d´Madamm Minister soen ëm wéivill Leit et sech handelt an op wéi enger Grondlag entscheed ginn ass dass se eng 3. Impfung brauchen?

Gëtt dëss Decisioun fir eng 3. Impfung alleng vum behandelelten Dokter geholl oder ass de Gesondheetsministär an dier Entscheedung mat involvéiert?

Kréien dëss Leit einfach eng 3. Impfung ouni hier Unzuel vun Antikierper am Bludd ze kennen oder mussen déi leit fir d´éischt en Antikierper Test maachen?

Mussen déi Leit dësen Antikierper Test dann och selwer bezuelen, och wann den Antikierper Test expizit op Ordonnance vum Dokter gefrot gëtt fir iwwerhaapt mol ze wëssen op dëss vulnerabel Leit eng 3. Impfung brauchen?

Gëtt envisagéiert den Antikierper Test fir héich vulnerabel Leit déi an de Phasen 1+2 geimpft goufen ze rembourséieren ier se fir 3. solle geimpft ginn, wann nee, firwat net?

MbG

CHEM, POLICLINIQUE CHIRUGICALE ZOU WÄHREND WOCHEN

Thu, 26 Aug 2021 10:10:25 +0000

Schéine Gudde Mëtten,

Mir bieden ëm Entschëllegung fir déi spéit Äntwert. Et deet eis Leed ze héieren, dass Dir mat Äre gesondheetleche Problemer net am CHEM konnt gehollef kréien.

Mir hunn zu dësem Thema eng ganz allgemeng Fro un d'Ministesch gestallt déi dir hei kënnt noliesen: https://piraten.lu/santesservicer-am-summer/

Wéi gewinnt wäert d'Äntwert an ronn engem Mount accessibel sinn, an mir soen Iech wéi gewinnt dee Moment hei Bescheed.

Wat äre ganz konkret Situatioun ugeet kënnt dir iech, wann dir wëllt, iwwert https://www.chem.lu/patients-et-visiteurs/hospitalisation/service-relations-patients iwwert d'Congésreglementer am CHEM beschwéiere.

Mat frëndleche Gréiss,

Dateschutz bei engem positiven Covid PCR Test

Fri, 06 Aug 2021 07:47:25 +0000

Gudde Moien,

Mir soen Merci fir all dës Informatiounen.

Mir hunn an dem Kontext eng Fro un d'Gesondheetsministesch gestallt. Dir kënnt se hei noliesen:

https://piraten.lu/invitatiounen-zur-long-covid-etud/

Falls néideg wäerten mir op Basis vun der Äntwert wéider nohaken.

Wéi gewinnt, wäert et ongeféier een Mount daueren bis eng Äntwert kënnt, deen Moment wäerten mir Bescheed soen.

Mat frëndleche Gréiss,

Lieserbréif Cannabis op RTL

Sat, 03 Jul 2021 06:44:51 +0000

No engem Lieserbréif op RTL wollt ech froen op et méiglech wier der Gesondheetsministesch déi Froen iwwert QP zu der ugeschwate Problematik mam medizinnesche Cannabis ze stellen? Well d´Ministesch äntwert bestëmmt net op de Lieserbréif. https://www.rtl.lu/meenung/lieserbreiwer/a/1748198.html

Firwat kréien d’Cannabis-Patienten nach ëmmer dat gielt « Drogerezept » an net en normalt Rezept, well de Cannabis gouf ugangs dës Joers vun der WHO/UN vun der Klassifizéierung als haart Drog (war zesummen mat Opiaten klassifizéiert) erofgestuuft gett elo als normalt a laut der WHO/UN als !!!verkéiersfäegt!!! Medikament ugesinn?

Firwat däerf e Cannabis Patient dann trotzdem net Auto fueren? Leit déi schwéier Medikamenter an Anti-Depressiva huelen däerfe jo och Auto fueren.

Ass d´Ministesch net der Meenung dass eng Fuerprüfung um Colmar Bierg fir all Cannabis Patient dee well Auto fueren misst gemaach ginn an dann eréischt entscheed gett op de Patient apte à la conduite ass oder net?

Firwat kann ee Patient net, obwuel en de Kritäre no vläit eng ze gutt hätt, eng Behënnertekaart ufroen? Well wann een dat mécht, da muss en eng Ufro beim Ministère des transports maachen an do muss en säi Medikament uginn (Cannabis) an da kritt en anscheinend direkt den Führerschäin ofgeholl? Kann d´Ministesch dat no Rëcksprooch mam Transportminister bestätegen?

Firwat däefe Leit déi e Rezept vum Dokter hunn bei enger Rupture de stock net am Ausland hiert Rezept aléisen? Dat geet bei all Medikamenter just net beim Cannabis. Wat sinn d´Grënn dass dat net geet?

Wat waren d´Präisser déi bis elo bezuelt gi sinn fir a Kanada de Cannabis ze bestellen, inklusiv Transportkäschten an all aner Käschten?

Wann ee bedenkt dass an den höllännschen Apdikten 1 Gramm Bedocran 6€ kascht (de Benefice vun der Apdikt mat agerechent) firwat muss X mol méi déiere Cannabis aus Kanada importéiert ginn?

Firwat bestellt de Ministère dann net einfach an Holland, am Plaatz Méint a Méint Ausschreiwungen op aner Kontinenter ze maachen fir e Fournisseur ze fannen deen den Ufuerderungen a Kritäre aus dem ominöse "cahier de charges" entspriechen?

Merci.

MbG

Konversiounstherapie Verbuet

Tue, 22 Jun 2021 10:01:21 +0000

Merci fir är d'Fro.

Effektiv hate mir läscht Joer eng Question parlementaire zu dësem Thema gestallt. Dir kënnt d'Äntwert vum Ministère hei noliesen: https://piraten.lu/sekten-zu-letzebuerg/

Wann dir weider Nofroen zu dësem Thema hutt, kënnt dir eis déi gären hei stellen.

Mat frëndleche Gréiss,

Urgence CHEM Nidderkuer nach ëmmer zou

Wed, 02 Jun 2021 11:54:21 +0000

Gudde Mëtten,

Mir wëllen eis fir de Retard entschëllegen, duerch Congéen an der Fraktioun an d'Gebuert vun engem klenge Pirat si mir wat fro.lu betrëfft a Verzuch geroden.

Mir hunn op Basis vun äre Froen eng generell Fro zu de Waardezäiten an Disponibilitéiten an de Klinicke gestallt. Dir kënnt se ënnert https://piraten.lu/fro-lu-wei-ass-dsituatioun-an-den-urgencen-sinn-dpatienten-zefridde-mam-service/ noliesen.

Mir feeën eis dass d'Urgence am CHEM zu Nidderkuer rëm accessibel ass, an dass den Ausbau vun den Urgence-Servicer an deenen nächste Jore virgesinn ass. Mir entschëllegen eis, dass mir Iech net méi fréi konnten eng Fro proposéieren.

Mat frëndleche Gréiss,

Carole Weiler

Alt erëm gett et eng Penurie hei am Land vun ALL Zorten medizinesche Cannabis.

Mon, 17 May 2021 06:22:09 +0000

Gudde Moien,

Mir hunn är Froen an enger QP deposéiert déi dir héi kënnt nokuken:

https://piraten.lu/fro-lu-penurie-vu-medezineschem-cannabis/

Wei ëmmer soen mir bescheed soubaal d'Äntwert do ass. Falls dir soss nach Froen hudd, zéckt net ze eis ze stellen.

Mat frëndleche Gréiss,

net genuch Antikierper no 2 Impfungen

Thu, 08 Apr 2021 15:15:58 +0000

Gudde Mëtteg,

Bal 30.000 Leit kruten schon hier 2 Corona Impfungen.

Dëst si gréisstendeels déi vulnerabelst an eeler Matmenschen.

Vill Leit, zemools eeler Leit hunn e schwaacht Immunsystem a maachen keng Reaktiounen op d´Impfungen.

Den Onkolog vum CHEM bei dem ech geimpft si ginn huet gesot dass Leit déi keng Niewewierkung vun den Impfungen kritt hunn sech 1 Mount no der 2. Impfung sollen teste loossen ob genuch Antikierper am Blutt sinn.

De Seuil vu genuch Antikierper ging bei 250 (irgendeppes) leien.

Den Onkolog sot dass, sollt dee Seuil vun 250 net erreecht ginn, misst onbedingt gekuckt ginn fir sech vläit eng 3. Kéier impfen ze loossen, AN ZWAR mat engem aneren Impstoff wéi déi 2 éischte Kéieren.

Ass dat dem Ministär bekannt?

Wat seet de Ministär vun der Santé zu denen Aussoen?

Ass dëss Eventualitéit fir eng 3.Impfung schonn bannert der Santé diskutéiert ginn?

Leit déi net genuch Antikierper gebild hunn si weiderhinn gefährdet bei enger Corona Infektioun awer e schlemmen (Intensivstatioun) Verlaf ze kréien.

Wat ënnerhellt d´Santé wa Leit 1 Mount no hierer 2 Impfung de Beweis ( ee leider aus eegener Täsch bezuelten Antikierper-Test) erbrengen dass se net genuch Antikierper gebild hunn fir ausräichend geschützt ze sinn?

Merci villmools.

MbG

Covid 19 Cluster Alters a Pfleegeheemer

Tue, 23 Mar 2021 07:15:54 +0000

Wei kann et sinn dass et trotz Impfangeboter un Personal a Bewunner vun Alters a Pfleegeheemer, diversen Testmeiglechkeeten (PCR an Antigenschnelltester), gut etableierten Gestebarrières an Enger grousser Disponibiliteit vun FFP 2/3 Masken, et ëmmer nach zu Covid 19 Clusteren kennt.

Misst do d Regierung net mei stringent Regelen en Place setzen seitens vun de Bedreiwer a Personnal vun sou Etablissementer fir sou Ausbrëch ze verhënneren. Wei kann et sinn dass d‘Regierung et net mol neideg fënnt d Bedreiwer vun sou Haiser ze verpflichten fir eng detailleiert Lëscht vum geimpften an net-geimpften Personal ze hunn? Sou een Iwwerblëck wier jo awer absolut noutwendeg an enger cohärenter Impfcampagne déi an op sech opbauenden Etapen (Catégorien) besteet. Do stellt sech och d‘Fro firwat d‘Regierung net gedenkt eng Impfpflicht / Testpflicht fir Professionnel de Santé an Doktoren déi an sou Strukturen schaffen anzefeieren. Schließlich hunn bei beid Categorien vun Leit an hiren jeweiligen Gesetzer (Loi du 29 avril 1983 an Loi du 26 mars 1992) dra stoen dass si mussen conditions de santé physique nécessaire à l‘exercice de leur profession mussen erfëllen.

Am Fall vun enger Infectioun mam Corona Virus sierf se erkannt oder onerkannt ass jo déi Conditioun sëcherlech net méi ginn.

An de jeweilegen Codes de déontologie vun den Dokteren an Professionnel de Santé dei alle beid per Règlement Grand-ducal ugeholl ginn sinn, ginn et zudeem och nach eng Rei Obligatiounen am Genre dass dem Patient seng Gesondheet un 1. Stell muss stoen an een him net onneideg Schued dierf zoufeieren virgesinn. Deemno imposeieren d‘Gesetzer an Règlementer schon haut dass méi stringent Mesuren an deem Domaine misste geholl ginn, firwat do d‘Regierung net mei op de Respect vun hiren eegenen Regelen pocht ass ee Rätsel, dat zemols wou souguer dei National Ethik Commissioun sou Mesuren an d‘Spill bruecht huet an hirem läschten Avis.

genuch Antikierper no Impfung?

Mon, 15 Mar 2021 15:45:13 +0000

Gudde Mëtteg Här Thomas,

Wéi Dir richteg soot, wär et wichteg ze wëssen, wéi d'Impfstoffer wierken, an dofir missten och Persounen, déi schonns geimpft goufen, un den tests sérologiques kënnen deelhuelen.

Tatsächlech ass et esou, dass de Projet fir déi 3. Phase vum Large Scale Testing d'läscht Woch vun der Chamber ugeholl ginn ass, a virgesäit, och Persounen, déi scho geimpft goufen, op Antikierper ze testen.

An dëser Presentatioun fannt Dir Informatiounen iwwert déi 3. Phas:

https://sante.public.lu/fr/actualites/2021/03/conference-presse-11-03-2021/Bilan-et-perspectives-Large-scale-tesing.pdf

De Sujet vun den tests sérologiques gëtt op der Säit 9 ugeschwat.

Mat frëndleche Gréiss,

Onzoumutbar Waardezäiten fir Biopsien aus dem LNS

Mon, 15 Feb 2021 15:16:08 +0000

Gudde Mëtten,

Merci fir är Fro. Mir hunn eng QP ausgeschafft an se un déi zoustänneg Ministere gestallt.

Dir kënnt fro ënnert :

https://piraten.lu/fro-lu-danalys-vum-biopsien-beim-lns/

noliesen.

Wat den Home office am LNS ugeet, esou hunn mir ugeruff fir nozefroen an et gouf eis ënnert anerem vun engem Patholog am LNS verséchert, dass si kënne vun doheem aus schaffen. D'Pathologen hunn ee Mikroskop, ee Laptop doheem a kënnen ee Scann vun de Prouwe mat heem huelen. Och virun der Covid Kris, wann och méi seelen, hunn Pathologe vun doheem aus geschafft.

Wann mer Iech soss nach kënnen weiderhëllefen, zeckt net Iech ze mellen.

Mat frëndleche Gréiss,

Assurance dépendance

Mon, 11 Jan 2021 10:32:41 +0000

D Piraten hunn an enger QP n°1685 den 09/01/2020 gefrot:

2. Wier et méiglech ee festen Dag fir d'Ausbezuelunge festzeleeën? Falls net: Wisou net? Wär et méiglech de concernéierte Persounen zumindest 2-3 Méint am viraus scho matzedeelen, wéi Datumer vun de kommenden Ausbezuelunge sinn – esou wéi dat aktuell och schonns bei der Caisse nationale d’assurance pension (CNAP) de Fall ass?

1 ganzt Joer ass vergaangen a et ass guer näischt geschafft ginn an dem Dossier. Versprach hat de Minister oder vill méi säi Conseiller 1er en rang dat heiten:

„D'Gesondheetskeess huet e Kalenner vun de Paiementer a Funktioun vun der Dauer vun de Traitementer an dem Prozess vun der Facturatioun definéiert. Dëse Kalenner waert deemnachst um Site vun der Gesondheetskeess disponibel sinn.“

Et wier vläit no 1 Joer erëm Zäit mol no ze haken wéini demnächst ass, ech si gespaant wéi eng Excusen de Conseiller 1er en rang dëss Kéier aus dem Hutt zaubert fir ze erklären firwat e ganzt Joer NÄISCHT an dem Dossier geschitt ass.

D´Excuse dass: „Et ass net auszeschléissen dat zum Zaitpunkt vun der Rechnung d'Informatioune vun engem Assuré net ail disponibel sinn. An dësem Fall ass et net auszeschléissen dat d'Geldleeschtunge méi spéit bezuelt ginn oder e Redressement muss gemaach ginn.“ stëmmt schonn emol bei 99% vun de Leit, déi nämlech all Mount dee selweschte Betrag ausbezuelt kréien NET, well et eng "Geldleeschtung"ass déi ni ännert ( an ergo och net all Mount muss nei ausgerechent ginn) well {maintien à domicile).

Merci am Viraus.

MbG

Test pcr pour le grand public

Tue, 05 Jan 2021 15:56:16 +0000

Am Kader vun der nationaler Teststrategie wéilt ech gäre wësse vun der Regierung firwat d’Apdikte Schnelltester bestallt hunn, déi nëmme vun Dokteren oder Klinike kënne kaaft ginn an net vu private Leit.

Ass et hei éierewou d’selwecht wéi mat de Masken, wou Leit der Meenung waren dat den homme de la rue net am Stand wier esou eppes ze benotzen?

Merci.

Genuch Testkapazitéiten op der falscher Plaz

Wed, 09 Dec 2020 11:24:11 +0000

Gudde Mëtten,

Mir wäerten eng QP dozou eraus ginn.

Wat d'Ordonnancë vun den Dokteren ugeet ass et awer esou, dass hinne Consignë vum Santésministère virleien, wat d'Symptomer vun enger Covid-19 Erkrankung sinn.

Op een Dokter also "ze séier" eng Ordonnance fir een Test schreift wäert d'Madamm Ministesch eis net kënne soen.

Vun den Tester op Ordonnance an der leschter November Woch déi der am Rapport vun der Santé fannt ergëtt sech, dass 1,28% vun de LST Tester positiv waarden, bei den Ordonnancë vum Dokter waren et 10,65%.

https://gouvernement.lu/dam-assets/documents/actualites/2020/12-decembre/02-covid19-retrospective/coronavirus-rapport-hebdo-02122020.pdf

Är QP gouf ugeholl, dir fannt se ënnert:

https://piraten.lu/fro-lu-covid-tester-fir-vulnerabel-persounen/

Mat frëndleche Gréiss,

Répartitioun vun Covid Impfstoffer op Résidenten a Frontalieren

Wed, 09 Dec 2020 09:07:30 +0000

Gudde Mëtten,



Op eis Fro n°2711 huet d'Madamm Gesondheetsministesch geäntwert, dass

"D'Verdeelunge vun den Impfstoff-Dosen, wann se bis disponibel sinn, wäert nom Prinzip vun engem Prorata vun der Awunnerzuel vun de verschiddene Memberstaaten gemeet ginn. Soumat wäert fir Lëtzebuerg automatesch en Prorata vun 0.14 % vun der globaler Commande séchergestallt ginn. Wann dat néideg ass, ka Lëtzebuerg nach ëmmer zousätzlech Dosen iwwer d'EU-Kommissioun bestellen."

Am Moment huet d'EU Kommissioun 6 Verträg mat Pharma Konzerner ofgeschloss: AstraZeneca, Johson&Johnson, Sanofi-GSK, Biontech & Pfizer a CureVAc a Moderna. Anscheinend kéint geschwënn nach ee 7ten Kontrakt dobäi kommen. Lëtzebuerg huet keng eege Commandë gemaach an de Santésministère huet och gesot dass si dëst net wäerte maachen.

An engem Norrichteportal heescht et dass:

Bruxelles a ainsi conclu six contrats, Moderna(160 millions) étant le dernier en date. Les autres ont été passés avec avec le groupe suédo-britannique AstraZeneca et l'américain Johnson & Johnson (jusqu'à 400 millions de doses auprès de chacun), le duo franco-britannique Sanofi-GSK (jusqu'à 300 millions de doses), le duo américano-germanique Pfizer-BioNTech (jusqu'à 300 millions de doses) et l'allemand CureVac (jusqu'à 405 millions de doses).

https://www.europe1.fr/international/coronavirus-pourquoi-lunion-europeenne-sest-chargee-de-commander-les-vaccins-4007915



Dat wiere bal 2 Milliarden Dose Vaccin (1965 Milliounen). Bei 0,14% wieren dat 2'751'000 Dose fir Lëtzebuerg. Natierlech wäert d'EU net all dës Impfstoffer am Endeffekt kafen, verschidden Impfstoffer sinn nach net gepréift a kéinten sech am nachinhein als net effizient erweisen.



Mat beschte Gréiss,

Coronavirus-Zuelen

Fri, 04 Dec 2020 08:24:01 +0000

Am Kader vun der Corona-Krise sinn d'Bierger allgemeng schlecht informéiert bzgl. Corona-Zuelen.

Et gëtt tatsächlech all Dag ganz präzis Zuelen an der Press kommunizéiert, mee di sinn meeschtens komplett ouni Kontext do dargestellt. Fir de Birger e besseren Iwwerbléck vun der Situation ze ginn, wier et wënschenswert, datt Corona-Zuelen och kontextualiséiert ginn, wenn si verëffentlecht sinn.

D'Fro um Gouvernement wier also folgende:

Kéint de Gouvernement, wenn Corona-Zuelen kommunizéiert ginn, folgend Informatiounen matdeelen (een Deel dovunner gi schon matgedeelt, anneren net):

- Wéi vill Corona-Doudeger an enger X-Woch?

- Wéi vill dovunner si VUM Corona gestuerwen?

- Wéi vill dovunner si MAM Corona gestuerwen?

- Wéi vill Doudeger allgemeng an der selwechten Woch?

- Vu wat sinn déi anneren Doudeger gestuerwen (annere Krankheeten, Herzinfarkt, etc.)?

- Wéi vill Léit sinn an den Intensivstatiounen ugehol ginn?

- Wéi vill Léit insgesamt läien an den Intensivstatiounen?

- Wéi vill Better gëtt et insgesamt an den Intensivstatiounen?

- Wéi vill dovunner sinn also nach fräi?

Wenn déi zousätzlech Informatiounen net kënne matgedeelt ginn, firwat net?

Passend froen um Daach vun der Mentaler Gesonndheet

Fri, 30 Oct 2020 11:20:43 +0000

Gudde Mëtten,

Mir hunn ass ärer Fro, 2 Questions parlementaires gemaach. Dir kënnt se hei noliesen:

https://www.piraten.lu/fro-lu-mobbing-op-der-aarbechtsplaatz/

https://www.piraten.lu/fro-lu-remboursement-vun-der-pyschotherapie/

MfG

Waardeezäiten fir Resultater vun enger Bluddanalys

Fri, 11 Sep 2020 14:19:52 +0000

Gudden Mëtten,

Är Fro ass déposéiert, dier kënnt se op eisem Site noliesen an gesidd do och wann eng Äntwert kënnt.

Link: https://www.piraten.lu/fro-lu-grouss-verzogerungen-bei-den-resultater-vun-enger-bluttanalyse/